يـا شعـر تبقـى فـي نظرهـم كحيـلان وبنظرتـي تـسـوى عـيـال الحمـايـل
حنّا اثنيـن اخـوان واكثـر مـن اخـوان لـو مـا تجمعـنـا عــروق وسـلايـل
لو نختلـف بأسمـاء وعـروق واوطـان يبـقـى التشـابـه بينـنـا بالخصـايـل
وانـا ليـا منّـي بغيـت أكسـب انسـان اسعـى لـه بكـل السـبـل والوسـايـل
أعـرف كيـف أرد الاحسـان باحـسـان كيف أحصـد بـذور الفضايـل .. فضايـل
أكسب عدو واحـرق بـه قلـوب عـدوان أشعـل فتيلـه بــس أطـفـي فتـايـل
وان خفت ضعف .. أخاف من ضعف الايمان وان عفت حمل .. أعـاف حمـل الجمايـل
ما أظما على الساحل ولـو مـت غرقـان لـو مركبـي تابـوت والـمـوج هـايـل
تغرق شهيد أرحم مـن تمـوت عطشـان طيحـة شمـوخ ولا وقــوف امتمـايـل
ودّك ليـا مـن جيـت فـي كـل ميـدان لو مـا انـت الاول .. بالصفـوف الاوايـل
خلّـك ليـا عـوّدت خسـران .. خسـران ينقـال عنّـك عـامـلٍ لــك عمـايـل
لا صـرت تحلـم احلـم تكـون سلطـان وان جيـت تقنـع .. اقنـع بحلـم زايــل
الوقـت غربـه وآخـر الـدرب عـنـوان والعمـر رحـلـه والتـجـارب رحـايـل
وأنـا كثـر مالـي مـن النـاس خــلاّن اللـي صفـوا لــي بالشـدايـد قـلايـل
شايف حسد .. ؟! قل شايف أشكال والـوان قابـلـت ظـلـم ؟ إلاّ لقـيـت الهـوايـل
إن عشّش بصـدري مـن الغبـن شيطـان وتسـدّدت دونــي جمـيـع الوسـايـل
با القى مـن عيـال الحمايـل " كحيـلان " اللـي يكفّـي عــن عـيـال الحمـايـل
مـرّات ربّـك يرزقـك خــوّة انـسـان واحـد ويسـوى فـي عيـونـك قبـايـل
.............
عمت مساء...ايها الشقي
حروفي اليوم...تنضح بأزهار...ورمان...
ترفرف الجنان...وتدني الثمار
لاتقطعني ..لاتجتثني...ابقي جذوري حتى اعيد الاثمار
لاطيل الخلود...وابقى يانعه
ساتساقط. لك..لاتطمع
الثمر الناضج لا يسقط الا لمن...يستحقه
لاتتوقع كل الثمار...رمان كالمرجان...ولا كل الثمر يروي الروح كالتفاح
لاتطمع....فتخدشني
تعلم كيف تتعامل معي...كتعابيرك الباذخة
كما يليق بي...وكما اتمناك
تصدمني..وتوقفني وجها لوجه ..مع قلبي
حتى..." ياويلي" التي تشعلك..تريد العبث بها
لاتعبث كثيرا...لايسمح هنا بالعبث
الا بإذن مني
ممممممم
حتى تأذن هذه الميمات المترددة
قهوتك اليوم نصف خضراء..فستقيه...ابقيتها دافئة...
رجاء...اشربها بصمت...لا تفسر لي ...الوانها
ومقدار الهيل بها...ولم قللت الزعفران...
ولم يجب ان املأ فقط قعر الفنجان...وكيف يجب ان ارتشفها
وكيف تتمنى ان تلثم أثر احمر شفاهي
وتسرق بقية من دفء على اطراف الفنجان
اشرب ..فقط بهدؤ...اشرب ايها الشقي
وحشتني نظراتك...المطعمة بلسعة الهيل
ليست هناك تعليقات:
إرسال تعليق